கடவுளின் ஆசை - தண்டர் கவிதைகள் 1.

சிட்டியெங்கும் அடுக்கடுக்காய்
ஆடம்பர மால்கள்.
கலர்கலராய் ஆடைகள், ஆபரணங்கள்.
வெள்ளையில் போதாது 
வாங்குவதற்கு தேவை
கறுப்பில் பணங்கள்.

எந்திரன் பட ரிலீஸ் ஆனா
டிக்கெட் கிடைக்குமா? 
எதிர்பார்ப்பில் தமிழ் குடிமக்கள்.
தியேட்டர் கிடைக்குமா?
கலக்கத்தில் மற்ற பட தயாரிப்பாளர்களும்,
பிட்டு பட தயாரிப்பாளர்களும்.
இனியாவது கற்று கொள்ளுங்கள்
மடையர்களே 
கழக தயாரிப்பில் இணைந்து வெளியிட.

பார்கிங் கொறைஞ்சது
பத்து ரூபா.
டிக்கெட்டு வித்த விலையில
பாப்கார்ன் பாக்கெட்டு.
குடும்பத்தோடு தியேட்டர்
போன போஸ்டர் பாத்துட்டு
திரும்பி வந்துடலாம்.


இருட்டாய் கிடந்த
ஏழைகளின் குடிசைகளை
வண்ண தொலைகாட்சிகளால்
மிளிர வைத்த
தமிழக அரசு,
இன்னும் ஒளி சேர்க்க
டி.வி.டி பிளேயர்
இலவசமாய் தர முன் வருமா?

ஆட்சியை பிடிக்க கவலையில்லை
கொடுத்த காசுக்கு
வஞ்சகமில்லாமல் 
ஓட்டு போட
நாட்டில் உண்டு
பல கோடி சத்திய சீலர்கள்.

அடுத்த தேர்தல்ல
ஐம்பது காசுக்கு
அரை கிலோ பருப்பு
வழங்கும் திட்டம் வந்தால் போதும்
ஒரு ரூபா அரிசி வாங்கி
சாதம் வடிச்சு
சாப்பிட
சாம்பாரும் ரெடி.

ஏழை எளியவர்கள் உட்பட
எல்லோருடைய வாழ்க்கையும்
செம்மையாக இருக்க,
தமிழ் மட்டும் தான் மிச்சமாய் இருந்தது.
அதற்கும்
மாநாடு நடத்தி
மகிழ்வித்தாயிற்று.

மானாட மயிலாட
பார்க்க முடியல
கரண்டு  அடிக்கடி கட்டாகி போகுது.
விலைவாசி எகிறி போச்சு.
மாசமாசம் குடும்பம் நடத்த
கடன் வாங்க
எது கட்டுபடியாகும்?
அதுக்கு 
ஆக்டோபசதான் கேட்கணும் 
கந்து வட்டியா? மீட்டர் வட்டியா?
இப்போ 
நமக்கு மட்டுமில்ல
தமிழ்நாட்டுக்கே ஏழரைதான்.

சகல விதமான
ஆசைகளும் நிறைவேறி
சுக போகமாய் வாழ்ந்திட
இறைவனை தேடி போய்
கும்பிட்டால்,
கடவுளுக்கே
கலைஞரின் பேரனாகதான்
ஆசையாம்!!!

ஹாய் கலைஞர் - கேள்வி பதில் பகுதி - 1

இது நகைச்சுவைக்காக மட்டுமே. யார் மனதையும் புண்படுத்துவதற்கு  இல்லை. (அப்பாடி தப்பிக்க என்னவெல்லாம் சொல்ல வேண்டி இருக்கு.)

தமிழ்ல பிடித்த சில வார்த்தைகள்?

பாராட்டுகள், பத்திரங்கள். ( எல்லாமே பன்மைகளில் (more than one) இருந்தால் தான் விரும்புவீர்கள் போல.)

மிகவும் எளிதாக செய்ய முடியற காரியம்?

கடிதம் எழுதறது. (உங்க ஊரு தபால்காரருக்கு ஏகப்பட்ட வேலை. தண்ணியில்லா காடு மாதிரி, உங்க ஊரு போஸ்ட் மேன் ஆக வரவே எல்லோரும் பயந்து கிடப்பாங்க.)

அடுத்த தேர்தல்ல எல்லோருக்கும் இலவச டி.வி.டி பிளேயர் கொடுப்பிங்களா?

இல்லை. அத கொடுத்துட்டா நம்ம பேர புள்ளைக எடுக்கிற, நடிக்கற படத்தையெல்லாம் மக்கள் திருட்டு வி.சி.டி வாங்கி பார்த்துடுவாங்களே!. (நீங்க அறிவாலயத்துல இருக்கிறது கரெக்ட்டு தான்.)

திரைத் துறைக்கு இலவசமாக அரசு நிலங்கள் ஒதுக்கிய திட்டம் பற்றி?

எல்லாம் ஒரு முன்னோக்கிய பார்வை தான். (அது சரி. திரைத்துறையே இப்ப நம்மளோடதுதான.)

தொடர்ந்து திரைப்படங்களுக்கு வசனம் எழுத காரணம்?

என் வசனம் சிறப்பா இருக்கறதால தான். ( அதனால்தான்  சீக்கிரமாகவே சிறப்பு திரைப்  படமா கலைஞர் டிவில போட்டுடறாங்களா?)

அடுத்த டெல்லி பயணம்?

கூடிய சீக்கிரம். மக்களுக்காக. (யார் பெற்ற மக்களுக்கு? கொஞ்சம் தெளிவா சொல்லுங்க.)

வரும் தேர்தலில் தி.மு.க வுக்கு ஓட்டு வாய்ப்புகள் எப்படி இருக்கு?

முதல்ல உன்னோட இந்த பதிவுக்கு எத்தனை ஓட்டு விழுதுன்னு பாரு. (மக்களே பார்த்து குத்துங்க. உங்களோட ஒவ்வொரு ஓட்டுக்கும் ஒரு "இன்க் ரப்பர்" இலவசமாக வழங்க படும். இன்க் ரப்பர் எங்களுக்கு எதுக்குன்னு கேட்கறிங்களா? ஏதோ என்னால முடிஞ்சது. உங்க வீட்டு குழந்தைங்களுக்கு இல்ல பக்கத்துக்கு வீட்டு குழந்தைங்களுக்கு கொடுங்க.)

கூவம் நடுவர் நீதி மன்றம் - நாட்டுக்கு தேவையான செய்திகள்

"இந்தியர் தானா? என்று கேள்வி. ஆனந்திடம் கபில்சிபல் சமாதானம்

கபில்சிபல் : கவலை படாதிங்க! ஆனந்த். இந்த வருடம் NDTV - யோட இந்தியன் ஆப் தி இயர் அவார்ட் உங்களுக்கு தான்.

வெளிநாட்டு நிதி உதவி பெறும் அமைப்புகள். "செக்' வைக்க மத்திய அரசு அதிரடி திட்டம்

ஆமா, இனிமே நீங்க தான் 'செக்' வைக்கணும். இவ்வளவு நாளா இந்தியாவுக்காக 'செக்' வச்சுக்கிட்டு இருந்த விஸ்வநாத் ஆனந்தையும் இந்தியானான்னு கேட்டு காண்டு ஆக்கிட்டிங்க.

புதிய இன்ஜி., கல்லூரிகளுக்கு அனுமதி கிடையாது : பொன்முடி


மிகவும் "பொன்"னான "முடி"வு.

மெகா சீரியலில் நடிக்கிறார் மதுபாலா

சின்ன சின்ன ஆசை. சின்னத் திரையில் சிறகடிக்க ஆசை.



மகளிருக்கு 50 சத "இட ஒதுக்கீடு": பெண்ணியம் மாநாட்டில் தீர்மானம்


என்னோட பைக்ல கூட 50 சதவிகிதம் உட்கார இடம் இருக்கு. யாராவது வர்றிங்களா?

இலங்கை தமிழர்கள் நிலையை நேரில் ஆராய, கிருஷ்ணா பயணம்

கர்நாடகால இருந்து கிருஷ்ணா நீரை கொஞ்சம் நல்லா திறந்து விட்டிங்கனா, இங்கு இருக்கிற தமிழர்களாவது நல்லா இருப்பாங்க. கிருஷ்ணா நடுவர் நீதி மன்றம், காவிரி நடுவர் நீதி மன்றம் இப்படின்னு ஒவ்வொரு ஆற்றுக்கும் ஒரு மன்றம் இருக்கும் போது, கூவம் நடுவர் நீதி மன்றம் ஏன் இல்ல?

கூவம் என்ன பாவம் செஞ்சது? 


போனிவர்மாவை மணந்தார் பிரகாஷ்ராஜ்

போனிவர்மா வந்த ராசி, இனியாவது தயாரிக்கிற எல்லா படமும் சூப்பரா போனி ஆகுமா?

இனிது இனிது - படத்துக்கு போனிவர்மா தான் டான்ஸ் மாஸ்டராம். பிரகாஷுக்கு இந்த திருமணமாவது (மறுமணம்) ஆட்டம் காணாமல் இருந்தால் சரி.

அனிச்சை செயல்

உன்னை பார்த்த உடனேயே
ஆரம்பித்துவிடுகின்றன,
எனது அங்கங்கள்
தங்களை அழகாய் காட்டிக் கொள்வதற்கு.

நாட்டுக்கு தேவையான செய்திகள் ( Strictly 18+ )

"கறுப்பு" பணம் வாங்குகிறார் விஜயகாந்த்: கருணாநிதி.

புரிஞ்சிகோங்கப்பா! இவரு கருப்பு எம்.ஜி.ஆர்.

மனைவியை விவகாரத்து செய்தார் டைகர் உட்ஸ்  

இத்தனை நாளா குழியில Ball-ல மட்டும் தள்ளிகிட்டு இருந்தவரு, இப்ப ஸ்டிக்க (Stick) விட்டதனால வந்த பிரச்சனை...

Tiger wood back to Bachelorhood.

ஈரான் ஆயுதபலம் : அமெரிக்கா கவலை

பிரச்சனை ஆயுதபலமா? இல்ல ஆயில்பலமா? 

கண் தானம் செய்தார் ஐஸ்வர்யா ராய்! 

ஐஸுக்கு Eyesவர்யம் உண்டாகட்டும்.

முல்லை பெரியாறு அணையை பார்வையிடுவது எப்போது?அடுத்த கூட்டத்தில் தேதி முடிவாகும்

இவங்கள விடுங்க. என்னை எப்போது முல்லை பார்வையிட்டு, பின் நான் அவளை அணைக்க?

எம்.பி.,க்களுக்கு மாத அலவன்ஸ் மேலும் உயர்வு : வரியும் கட்ட வேண்டாம் என மத்திய அரசு முடிவு

எம்பிக்கள் எம்பி எம்பி குதிச்சு போராடுனதுக்கு, நல்லா கை மேல பலன். இனி எம்பிக்களின் குடும்பங்கள் பசி, பட்டினியில் வாடாது. மக்களுக்காகவும் இனி சந்தோசமாக தொண்டு ஆற்றுவார்கள்.

முதல்வருடனான சந்திப்பு ஜெயலலிதா புறக்கணிப்பு

புறக்கணிப்பு ஜெயலலிதாவின் 'உடன்பிறப்பு'.